Dagsê Lesers,
Vandag deel ek my kattekruid koekie resep met julle. Ek bak die koekies bêre dit in ’n glas bottel in die kombuis op die kas. My katte kom sit in die vensterbank as ek in die kombuis besig is en dan gee ek vir hulle elkeen ’n koekie deur die venster… gelukkige katte! (Hulle eet dit so gou op dat dit nog nooit kans gekry het om sleg te word nie)
Hier is die resep:
¾ Koppie Koekmeel
½ Koppie Volgraanmeel Continue reading Kattekruid Koekies
Dagsê Lesers,
My katte is absoluut gek oor Kattekruid. Elke kat is ook maar anders en my een kat sal dit net in haar koekies eet, terwyl die ander twee die blare net so eet. Hier kan mens nie ‘n oop kattekruid buite los nie – daar sal nie eens ‘n worteltjie van hom oorbly nie. Dus staan daar ‘n paar potjies in die huis en die res is in ons tonneltjie geplant sodat dit beskerm is teen die koue en katte!
Kattekruid (Nepeta cataria) sal soos laventel, bye en skoenlappers na jou tuin toe lok. Asook natuurlik katte!
Plant en Groei:
Kattekruid is ‘n baie geharde meerjarige plant. Kattekruid hou van son of gedeeltelike skadu.
Jy kan kattekruid ook naby jou groente plant aangesien dit sekere kewers sal verjaag en plantluise hou ook nie daarvan nie. Dit kan ook met sukses in houers geplant word.
Die mees algemene kattekruid (Nepeta Cataria) Continue reading Kattekruid
Dagsê Lesers,
Die heel eerste keer wat ek ‘n melktert gebak het, het ek hierdie resep gekry en ek gebruik nog steeds dieselfde resep. Ons is baie lief vir melktert en al moet ek dit nou self sê is die melktert regtig vir my die lekkerste. Vandag deel ek hom met julle en ek hoop dat julle hom net so baie sal geniet soos ons.
Bestanddele vir kors:
125g Botter, kamertemperatuur
125ml Suiker
1 Eier, geklits
500ml Koekmeel
10ml bakpoeier
Knypie sout Continue reading Melktert
Dagsê Lesers,
Hier volg weer ’n nuttige lysie van tuin take vir Augustus.
In die groente en kruie tuin:
Plant:
Aartappels, aspersies, basielkruid, beet, blaarslaai, blomkool, brokkoli, dill, echinacea, eiervrug, ertjies, kattekruid, koljander, kool, komkommerkruid, marjolein, mielies, orego, pampoen, pietersielie, radyse, rape, rissies, roket, salie, seldery, spanspek, spinasie, soetrissies, stevia, tamaties, vinkel, waatlemoen & wortels.
In die blomtuin:
Plant:
Gladiolas, heuningblomme, kannas, kosmos & spinnekop lelies.
Ander tuin take:
Lekker tuinmaak!
Dagsê Lesers,
In my poging om meer onafhanklik te raak, minder vullis te genereer en om koste te spaar het ek hierdie algemene reiniging sproei begin gebruik. Ek koop meeste bestanddele in grootmaat en het sodoende net die een sak om van ontslae te raak as die hope boksies en papiersakkies. Byvoorbeeld as ek een 25 kg sak koeksoda koop het ek een sak waarin dit verpak is teenoor die 50 boksies en papier sakkies wat ek sou hê as ek die 500g boksies in die supermark sou gekoop het. Om nie eens te praat van die koste wat ek gesny het nie. Die supermark vra 250% tot 300% meer vir koeksoda as die winkel waar ek dit in grootmaat aankoop.
Let daarop dat hierdie algemene reiniging sproei nie geskik is om graniet skoon te maak nie. Asyn kan die afwerking beskadig. Gebruik altyd eerder ’n reiniger wat nie asyn bevat nie.
Die resep:
400ml lou water
10 mℓ koeksoda Continue reading Algemene Reiniging Sproei
Dagsê Lesers,
Hier volg weer ’n nuttige lysie van tuin take vir Julie.
In die groente en kruie tuin:
Plant:
Ertjies.
Dagsê Lesers,
Hier volg weer ’n handige lysie van tuin take vir die maand:
In die groente en kruie tuin:
Plant:
Beet, blaarslaai, blomkool, bone, brokkoli, dill, ertjies, Continue reading Tuin take vir Maart
Dagsê Lesers,
Ek is so opgewonde om my skottelgoedwasser seep resep met julle te deel.
Na maande van meng en toets en vele skottelgoedwassers vol skottelgoed wat steeds vuil was, het ek uiteindelik die resep wat werk vir my en hopelik ook vir julle!
Weereens het my seep resep geen boraks in nie. Klik gerus op die skakel, lees die artikel en vorm jou eie opinie oor boraks.
Die een ander ding wat ek kan sê oor die resep wat vir jou baie frustrasie gaan spaar is: DROOG JOU SOUT IN DIE OOND. Dit klink nou snaaks maar dit is ’n ding wat ek oor en oor ervaar het, net sodra die mengsel klaar gemeng is word dit so hard soos ’n klip! Sout het die manier om vog te trek (dit is hoekom daar ryskorrels in restaurante se soutpotjies is!) en al droog jy dit as jy dit koop – dit trek maar net weer vog. So die heel beste oplossing is om dit te droog voordat jy jou mengsel maak. Teen die tyd wat die sout weer begin vog trek behoort jou skottelgoedwasser seep op wees. Ek sprei die sout op ’n bakplaat en droog dit vir om en by 10 minute by 100 grade met die oond deur op ’n skrefie oop soos wat jy beskuit sal droog. Laat dit heeltemal afkoel (in die oond) en meng jou skottelgoedwasser seep.
Een van die bestanddele van die seep is sitroensuur wat nogal duur kan wees as mens dit in ’n gewone supermark koop. Ons het ’n winkel hier wat spesialiseer Continue reading Skottelgoedwasser Seep
Dagsê Lesers,
Verlede jaar het ons ’n artikel geplaas oor hoe om jou eie wasgoed seep te maak. Ons het wel agtergekom dat die seep nie altyd heeltemal oplos in die was nie en daarom het ons besluit om ’n vloeibare wasgoed seep te maak. Die seep is dan opgelos in die vloeibare seep en so kry jy al die krag van die seep in die was, waar jy dit nodig het.
Ek hou steeds nie van boraks nie en plaas weer die skakel vir julle oor boraks. Lees dit gerus en vorm jou eie opinie oor boraks.
Na ’n hele paar liter seep opgebruik is in my huis, het ek besluit dat dit is tyd dat ek resep met julle deel!
Hier is die resep:
1 koekie Sunlight seep (200g) gerasper Continue reading Vloeibare Wasgoed Seep
Dagsê Lesers,
Hierdie tamatie en uiesous is altyd ’n wenner by enige dis. Die heel lekkerste vir my is dat ek dit kan bottel, in die spens kan stoor en gebruik, soos ek dit nodig kry. Die resep lewer sowat 1.8L sous.
Hier is die resep: Continue reading Tamatie en uiesous
