Dagsê Lesers,
Tamaties kan ook met sukses gedroog word.
Nou ja mens kan nou seker nie ’n slaai van die tamatie maak as dit eers gedroog is nie, maar mens kan as dit weer gehidreer is ’n tamatie en uiesous daarvan maak, of dit in ’n bredie sit of selfs in ’n sop gebruik.
Hier is die inligting wat ons leser, Fanie van Wyk aan ons gestuur het aangaande die droog van tamaties.
Hierdie tamaties was 3.5kg.
En lyk so na dit gedroog is. Continue reading Die droog van tamaties
Dagsê Lesers,
Met die beurtkrag wat tans geïmplementeer word, het ons begin wonder oor alternatiewe metodes om kos te stoor.
Mens kan baie goed natuurlik verwerk en inlê, maar dit is nie die enigste oplossing nie!
Kos kan ook met baie groot sukses gedroog word. Daar is baie video’s op die internet oor hoe om voedsel suksesvol te droog en ons het bietjie ondersoek gaan instel.
Omdat ons self een maal gedroogde groente gekoop het en dit so te sê oneetbaar was, was ons baie skepties. Een van ons lesers het vir ons ’n houertjie gedroogde boontjies gegee en nadat ons dit geproe het, was ons verbaas. As mens nie weet dat die bone voorheen gedroog was nie – sou jy dit beslis nie kon proe nie, nie soos die rou gedroogte groente wat ons gekoop het wat vol preserveer middels was nie.
Die groot geheim om jou eie groente te droog kom in by die gaarmaakproses. Continue reading Die droog van kosse
Dagsê Lesers,
Oor die algemeen eet ons nie koeksisters nie, omdat dit te soet en stroperig is na ons sin. Hierdie koeksisters is ’n treffer in ons huis omdat hulle nie so verskriklik stroop trek soos gewone koeksisters nie en daarom het ons dit die naam droë koeksisters gegee.
Hierdie volgraan koeksisters mag dalk nie so aantreklik soos die gewone koeksisters lyk nie maar laat ek julle vertel hulle smaak heerlik!
Hier is die resep: Continue reading Volgraan Droë Koeksisters
Dagsê Lesers,
Beskuit! Ja, dit is die een ding waar sonder baie mense nie kan klaarkom nie, so lekker om net gou saam met ’n koppie koffie te geniet en dan sien mens sommer weer kans vir die wêreld.
Hierdie beskuit neem nou wel ’n bietjie tyd, maar die eindproduk is dit alles werd.
Bestanddele:
Stap 1 – Begin Deeg: Continue reading Suurdeeg Beskuit
Dagsê Lesers,
Hierdie doopsous maak ons al vir jare en dit bly ’n treffer. Almal is altyd so verbaas om te hoor wat die bestanddele is en die bak doopsous is altyd leeg as die gastehuis toe gaan.
Indien jy ’n soeter doopsous verkies, kan jy altyd net bietjie meer kondensmelk in die mengsel inmeng.
Dit is heerlik saam met aartappelskyfies en ons het dit al saam met sout koekies ook geëet en dit is net so lekker.
Hier is die resep:
Bestanddele: Continue reading Soet Suur Kruie Doopsous
Dagsê Lesers,
Laventel is een van my gunsteling kruie. Die pers blommetjies is altyd vir my so mooi, die geur is fantasties en dit lok boonop nog bye en skoenlappers na die tuin! Daar is ’n talle verskeie kultivars van Laventel beskikbaar.
Engelse Laventel (Lavendula Agustifolia) wat tog nie inheems aan Engeland is nie, groei van nature in die kalkgrond van die Middelandse Seegebied.
Varingblaarlaventel (Lavandula multifida) is ’n variëteit wat glad nie teen uiterste koue bestand is nie.
Laventel word meestal in soet geregte gebruik soos tertsuiker, beskuitjies, skuimkoekies, roomys en ander nageregte. Laventel blomme word ook somtyds by kruieasyn of selfs by swart bessiekonfyt gevoeg.
Laventel hou insekte op ’n afstand en is ook baie voordelig in die linnekas om vismotte te verjaag.
Laventel het talle gebruike in die kombuis en net so baie medisinale gebruike.
Laventel is selfs in die tweede wêreldoorlog gebruik omdat dit antibakteriese en geneeskragtig eienskappe het.
Vandag is dit presies 177 jaar gelede wat die Groot Moord van Bloukrans en Weenen plaasgevind het.
Toe Piet Retief en sy geselskap met Dingaan gaan onderhandel het oor ’n stukkie grond in Natal Continue reading Herdenking van die Groot Moord van Bloukrans op 17 Februarie 1838
Dagsê Lesers!
’n Vriendin in nood vra my om na haar twee dogtertjies te kyk vir ’n paar uur. Ek stem toe in en wonder toe wat op aarde doen mens om ’n kind besig te hou? Aangesien ek nie kinders het nie, was dit nogal ’n groot vraag, wat my goeie vriendin, Pinterest, toe in ’n oogwink oplos: Speel klei!
Ek onthou as kind het my Ma altyd vir ons ook speel klei gemaak, maar ek onthou dat sy dit op die stoof gekook het. Ek het op ’n geen kook speel klei resep afgekom wat glad nie te moeilik is om te maak nie en die bestanddele is goed wat gewoonlik in die huis is. Ek was dood verbaas oor al die verskillende resepte en teksture van speel klei – van gewone gekleurde speel tot klei, speel klei met geursels, kruie blomme tot speel klei wat byna soos klip lyk met gemaalde, gebruikte koffiebone in die deeg – te oulik.
Ek besluit toe aangesien ek nou ’n groentjie is in die maak van speel klei sal ek dit nou nie te ingewikkeld maak nie en net gewone gekleurde speel klei maak.
Die meisies was heel beïndruk met my en die klei wat ek gemaak het, elkeen het ’n kleur gekies – pienk en geel! Dit het hulle byna 2 ure lank vermaak. Die twee is heel tevrede met hulle speel klei huis toe!
Hier is die resep: Continue reading Speelklei
Dagsê Lesers!
Gedurende Desember en Januarie is dit een van die besigste tye in my kombuis. Dit is die tyd wat alle soort vrugte soos perskes, pruime, appelkose ensovoorts, mooi ryp is. Dit is ’n gewerskaf om die vrugte skoon, geskil en opgesny te kry, gereed vir die potte. Wat dit ook lekker maak is dat manlief gewoonlik ook hand bysit want dit is maar ’n groot werk. Die rakke van die spens moet vol vir die jaar wat voorlê. Daar is niks so lekker soos vars room op ingemaakte perskes voor die kaggel in die winter nie of konfyt op vars gebakte brood en blatjang saam met vleisbraai.
Hierdie jaar het ek besluit om mango blatjang te maak.
In ons omgewing het ons ’n groot groente en vrugtewinkel waar ek ’n paar boksies mango’s gekoop het.
Dit was nogal ’n nuwe uitdaging want ek het nog nooit met mango’s gewerk nie en was nie seker wat om te verwag nie. Dit was toe nie so erg soos wat ek gedink het nie, al ding is dat hierdie blatjang sal in ’n oogwink aanbrand, so, as jy besluit om dit te maak, weet net een ding, jy gaan die pot oppas en roer deurentyd.
Soos ek gesê het gelukkig vir my, staan my man se hande vir niks verkeerd nie en hy het met alles gehelp, om nie eens te praat van my tweede geluk, dat sy Tante kom kuier het en ook gehelp het nie! Dit was skone pret en plesier om die vrugte te bewerk.
Hier is die resep: Continue reading Mango Blatjang
• OUTYDSE BOBOTIE RESEP
Ons het ’n versoek van een van ons lesers ontvang:
Wendy Mann van Krugersdorp is op soek na ’n outydse bobotie resep, wat appelkooskonfyt in het.
Indien jy dalk oor so ’n resep beskik, stuur dit asseblief in na info@boervrou.co.za sodat ons dit op die webblad kan plaas.
Groete,
Leanie & Mariette
