Dagsê Lesers,
Hier volg weer ’n nuttige lysie van tuin take vir September.
In die groente en kruie tuin:
Plant:
Aartappels, aspersies, basielkruid, beet, blaarslaai, blomkool, brokkoli, dill, echinacea, eiervrugte, ertjies, kattekruid, koljander, komkommers, komkommerkruid, kool, marjolein, mielies, orego, pampoen, patat, radyse, rissies, roket, salie, seldery, soetrissies, spanspek, spinasie, skorsies, stam- en rankbone, stevia, tamaties, vinkel, waatlemoen & wortels.
In die blomtuin:
Plant:
Asters, celosias, dahlias, gazanias, josefskleed, kappertjies, petunias & salies.
Ander tuin take:
• Spuit vrugtebome vir vrugtevlieg sodra ongeveer 80% van die bloeisels afgeval het.
• Haal digte meerjarige blomme en siergrasse uit en verdeel hulle.
• Gaan stutte van hoogblommende plante (soos ridderspore ) na.
• Verwyder voortdurend dooie blomme van lenteblommende plante.
• Verdeel ook winterblommende vetplante, grondbedekkers en aalwyne.
• Indien jy nog nie rose na hulle snoei gevoed het met kunsmis nie, doen dit nou.
• Snoei heinings en vorm plante.
Lekker tuinmaak!
English 
Afrikaans