Ek het Elle se “Premier natural cotton – 4ply” gebruik met ‘n 3mm hekel pen. Ek het uit een 50g bol van die genoemde hekel gare, sewe glasmatjies gehekel.
Afkortings:
ks – kettingsteek
kb – kortbeen
lb – langbeen
gs – glipsteek
Metode:
Maak 4 ks en sluit ring met ’n gs.
Ry 1: 2ks ( verteenwoordig een lb) , maak nog 14lb in ring, sluit met ’n gs in 2de ks van begin. Nou het jy 15 lb in die ring.
Ry 2: 2ks, 1lb in dieselfde steek waarin jy die vorige rondte afgesluit het, 1lb in volgende lb, 2lb in volgende lb, 2 ks, *2lb in volgende lb, 1lb in volgende lb, 2lb in volgende lb, 2ks,* herhaal van * tot * nog drie keer. Heg met ’n gs in 2de ks van begin.
Ry 3: 2ks, 1lb in dieselfde steek waarin jy die vorige rondte afgesluit het, 1lb in elk van die volgende 3 lb, 2lb in volgende lb, 2ks, *2lb in volgende lb, 1lb in elk van die volgende 3 lb, 2lb in volgende lb, 2ks,* herhaal van * tot * nog drie keer. Heg met ’n gs in 2de ks van begin.
Ry 4: 2ks, 1lb in dieselfde steek waarin jy die vorige rondte afgesluit het, 1lb in elk van die volgende 2lb, 2lb in volgende lb, 1lb in elk van die volgende 2lb, 2lb in volgende lb, 2ks,* 2lb in volgende lb, 1lb in elk van die volgende 2lb, 2lb in volgende lb, 1lb in elk van die volgende 2lb, 2lb in volgende lb, 2ks* herhaal van * tot * nog drie keer. Heg met ’n gs in 2de ks van begin.
Ry 5: Maak 8lb in derde lb vanaf pen, 1kb tussen 2lb van vorige ry (sien foto), 8lb in derde lb, 3kb in 2ks spasie. Herhaal die patroon tot al die harte se bokante gevorm is. Heg af.
Werk al die los drade weg.
Ek het sommer ’n hele paar van die oulike glasmatjies gehekel.
English 
Afrikaans