Dagsê Lesers,
Dit is weer hierdie tyd van die jaar, wat die vrugtebome vol vrugte is en die groente in die groente tuin so groei dat jy dit amper kan hoor! Wat ‘n fantastiese tyd is dit nie?
Hier is ‘n handige lysie van tuintake vir November om die hande mee besig te hou.
- Granaat
In die groente en kruie tuin:
Plant:
Aartappels, artisjokke, aspersies, basielkruid, beet, blaarslaai, blomkool, brokkoli, dill, eiervrugte, kamille, kattekruid, komkommers, komkommerkruid, koljander, kool, kruisement, laventel, marjolein, mielies, orego, pampoen, patat, pietersielie, radyse, rape, rissies, roosmaryn, salie, soetrissies, spanspek, spinasie, skorsies, stam- en rankbone, stevia, tamaties, tiemie, vinkel, waatlemoen & wortels.
- Roosmaryn
In die blomtuin:
Plant:
Amaryllis, begonias, dahlias, jakobregoppe, impatiëns, kappertjies, lobelias & petunias.
Ander tuin take:
- Snoei rank rose & jasmyn.
- Voed bessies.
- Snoei poinsettias terug.
- Snoei hibiskusse om hulle aan te moedig om in die laat somer en herfs weer te blom.
- Bind nuwe klim rooslote aan hul stutte.
- Haal uitgeblomde lente bolle uit en bêre dit.
- Knip nuwe groei by struike en meerjariges af, om hulle bosagtiger te maak.
- Maak plante gereeld nat.
Geniet die tuinwerk!
Afrikaans 
English