Gebraaide Konyn

Goeie dag lesers

Ek was aanvanklik erg skepties om konyn vleis te eet!  Ons het wel onlangs begin om dit te eet, en ek is aangenaam verras oor hoe maklik dit is om gaar te maak en  hoe lekker dit is!  As jy kan hoender vleis gaar maak, kan jy konyn vleis gaar maak.  Ek gaan nie vir julle sê dat die konyn vleis proe net soos hoender nie,  want dit is nie die geval nie, alles hang af van die resep wat jy gebruik. Continue reading…


Omskakelings Tabel

Goeie dag Lesers

Ons het almal resepte wat deur die generasies heen saam met ons kom en dan is die bestanddele se hoeveelhede nog in die ou mates gelys!  Of jy kry ’n resep op die internet en die bestanddele is gelys in impiries mates.  Nou ja, ek weet nie van julle nie, maar ek kan verseker nie omskakelings verhoudings uit my kop onthou nie.

Ek het dus ’n omskakelings tabel geskep wat afgelaai kan word deur op die skakel hieronder Continue reading…


Voegbry Reiniger

Goeie dag lesers

Vandag deel ek met jul ’n resep wat my baie gelukkig maak!  Sowat ’n jaar gelede het ons ’n lappie grond van ons eie gekoop.  Saam met dit kom toe ook ’n huis, wat glad nie sleg is nie, die heel grootste frustrasie wat ek wel met hierdie huis gehad het (tot en met vandag), was die teëls en meer spesifiek die voegbry oftewel “grout” tussen in.

Soos jul kan sien in die foto’s hieronder,  dit is ’n nagmerrie om dit ligtelik te stel.

VOOR

Nadat ons twee maande terug ingetrek het en uiteindelik klaar uitgepak het,  het ek besluit tot hiertoe en nie verder nie!  Navorsing het begin om die probleem so organies en goedkoop as moontlik op te los en daar was baie informasie beskikbaar.

Ek het toe eerstens begin met die volgende resep en metode:

Benodighede:SKOONMAAK MIDDELS

  • Halwe koppie Koeksoda
  • 20ml 12% sterkte Waterstofperoksied (“Hydrogen Peroxide”)
  • ’n ou tandeborsel
  • Plastiek Handskoene

Continue reading…


Bloekom

Goeie dag lesers!

Bloekom bome sal jy oral in die platteland aantref rondom plaas huise en vrugte boorde met die hoof doel om as wind skerm te dien.
Die gewone bloekom boom (Eucalyptus globulus) oftewel die blougomboom kom oorspronklik vanaf Australië en Tasmanië na Suidelike Afrika gebring, waar dit in kommersiële plantasies aangeplant was vir die verbouing van hout, pale en vuurmaakhout.
Die nadeel van die Bloekom boom is die feit dat hy besonders baie water gebruik. Maar behalwe vir hierdie een nadeel is hierdie baie geharde bome, wat eintlik enige plek en onder enige kondisie kan floreer. ʼn Kenmerkende voordeel van die Bloekom is dat hy ʼn uitstekende lug-suiweraar is. Kleiner, meer hanteerbare variëteite is reeds ontwikkel wat ook aan die Eucalyptus Globulus familie behoort soos die algemene “penny gum” (Eucalyptus gunni).

Bloekom 2 x
Eucalyptus gunnii
BLOEKOM
Eucalyptus globulus

Plant en Groei: Continue reading…


Roosmaryn

Goeie dag Lesers.

Roosmaryn is sekerlik een van die mees gewildste kruie in die kombuis.  Die opsies is eindeloos vir hierdie veeldoelige plant.  Die blare kan vars of gedroog  by enige dis gevoeg word, van hoender tot skaap tot groente geregte.  Die takke waarvan die blare verwyder is, kan gebruik word in plaas van ’n sosatie stokkie om heerlike sosaties te maak vir die braai.   Of jy kan selfs die gedroogte takke tussen die kole gooi om al die gebraaide kos ’n unieke smaak te gee.

Roosmaryn Kleiner

Selfs al is roosmaryn so gesog in die kookkuns is een van grootste redes om ’n roosmaryn plant aan te skaf sekerlik vir sy medisinale gebruike;  Die Antieke Grieke en Romeine het geglo dat roosmaryn ’n heilige plant is.  Gedroogde roosmaryn blare en roosmaryn essensiële olies is in die vroeë Egiptiese grafkelders gevind.  Gedurende die groot plaag was roosmaryn gebruik as ’n ontsmettings middel. Continue reading…


Harlekyn Patroon

Goeie dag lesers

’n Goeie vriendin van my het onlangs geboorte gegee aan die pragtigste dogtertjie.  En julle sal met my saamstem dat min geskenke is so kosbaar soos ’n handgemaakte baba kombersie.  En aangesien ek hekel-mal is, het ek begin soek vir ’n unieke patroon.  Ek het uiteindelik besluit op die harlekyn steek.  Dit is ’n maklike en vinnige patroon wat baie mooi uitdraai.

DSCN2127 (2)1

Continue reading…


Tiemie

Goeie dag Lesers!

Suurlemoen Tiemie Kleiner
Suurlemoen Tiemie

Tiemie is sekerlik een van die gewildste kruie vrylik beskikbaar deesdae.  Met sy wonderlike smaak is dit nie moeilik om agter te kom hoekom nie.  Behalwe vir die diepte wat dit aan vis, skaap, hoender, eier of aartappel geregte verleen, is dit ook ‘n MOET vir die kruie apteek.

Continue reading…


Tamatiepuree

Goeie dag Lesers.

Ek was gelukkig genoeg om verlede week ’n klein bergie tamaties te kon oes uit die tuin.  En aangesien hierdie tamaties gegroei is van saad wat glad nie geneties gemanipuleerd is nie, was ek verplig om iets konstruktief te doen met die oorvloed tamaties!  Die finale keuse was toe tamatiepuree.  Die tamatiepuree was ’n reuse sukses maar as ek moet eerlik wees; dit is ’n arbeidsintensiewe en tydsame proses vir ’n klein hoeveelheid puree.

Tamaties
Tamaties

Jy kan die volgende stappe volg om jou eie tamatiepuree te maak:

Continue reading…


Kruisement

Dagsê lesers.

Die inligting wat ek vandag met u wil deel, gaan oor Kruisement.  Hierdie is ‘n krui wat elke Boervrou in haar tuin MOET hê.

Ek kan persoonlik getuig van die positiewe uitwerking wat Kruisement op die spysvertering stelsel het.  My kruisement plant word behoorlik vertroetel en opgepas.  Daar is voortdurend kruisement blare in die voedseldroër vir my daaglikse koppie (soms koppies) kruisement tee.
Kruisement

Continue reading…


Basielkruid

Basielkruid

As ‘n beginner in die kruie tuin afdeling, het ek besluit om te begin met iets wat volgens meeste kenners maklik is om te groei en te onderhou. Dit is ook my gunsteling krui: BASIELKRUID.  Continue reading…